آنه مدرسة عشاق بلاش دروس أنطيها
عهد عندي على نفسي التعشق لازم أجزيها
حرام آخذ أجرفديوم وللعشاق أهديها
وفي آنه لكل عاشق وروحي بروحه أفديها
آنه ماقريت كتاب لنيوتن وبخاريها
ولادرسني السقراط للحكمة ومعانيها
وللمعة مافكيت طلاسمها وحواشيها
ولافي جامعات الغرب تعلّمت درست بيها
أبويه بالعشق هيمان وحياته يقول يفديها
وآنه بمدرسة أمي دروس هواي قاريها
علمتني ودرستني دقلي جيف أجازيها
وآنه بعالم الظلمه أسمع كل محاجيها
وكل ساعه تون اتقول أدركها ياواليها
وغذتني المحبه أمرار وآنه اتعلقت بيها
وقبل ما أجي عالدنيا وأناظر كل أهاليها
ومن طليت عالدنيا راوتني العشق بيها
تغذيني ولاء حيدر والعتره ويهاديها
ربيت اعلى العشق والحب للآل ومواليها
أمي تعزف الألحان للكرار تهديها
ونما سمعي على نغمات تردد أسم واليها
يهي نغمات تطربني بتهوفن أحس بيها
ونماحي لبو الحسنين بروحي وهم علق بيها
اهيم بحبه كالمجنون وللعشاق احجيها
علي نغمه بوتر قلبي والدقات تحصيها
علي يجري بشرايني وعروقي يرويها
علي روحي علي عقلي علي الأفلاك مجريها
علي الهادي علي المنذر مفني كل طواغيها
علي بيه تمثل الإسلام وعدوانه الكفر بيها


علي موقصة عشق يافلان بالإرهاب تفنيها
علي جنة وحياه وموت بالأروح نفديها
علي الماتعرفه الناس بس أحمد وباريها
علي نور يضوي الأكوان من تظلم دياجيها
علي هو الشرف للكعبه يوم اللي انولد بيها
علي الكعبة التطوف الناس والمروة ومساعيها