هذا اسمك حسين شمعة بدروبنا
وإحنا المحبين وأنت محبوبنا
عنوانك ورقم السكن ساكن قلوبنا
*****************
الوادم ينشدون عنك يسألون واسمك انطيته
كَلت الهم حسين هذا الأسم وين بقلبي خطيته
عن اليحسدون وعن كل العيون حبك اخفيته
خلهم يغارون بيك انه مجنون عقلي جنيته
يالعشنه وياك وأنت ويانه بارينه سمَّاك ثاني ريحانه
هذا الأسم طول الزمن ساكن قلوبنا
*********
ساكن بالقلوب يا أغلى محبوب مالك إحساسي
رغم اليعدلون هذا أنت مقرون ويَّا انفاسي
وبكل الأحوال حبك على البال لحظة ماناسي
هذا العشق تاج للدنيا وهَّاج يسطع براسي
يا أغلى إنسان باسمك نفاخر واكتبنا عنوان حبك الطاهر
يبن الأمين المؤتمن ساكن قلوبنا
*************
قلب المحب دار ورقم السكن صار نورك الخامس
قلبي انغرم بيك لوما يكفيك ما أظل يائس
افتح لك العين واسكنها يحسين والجفن حارس
حبك مجانين وبها الملايين جم وجم عابس
افتح الأجفان واسكن بعيني ما أبني جدران بينك وبيني
هذا أنت بالسر والعلم ساكن قلوبنا
***********
لا تحسب حساب ما بالقلب باب ادخل بكيفك
وبقلبي لوجيت يا صاحب البيت انحسب ضيفك
عذال يدرون برموش العيون مرتسم طيفك
هيمني ذكراك ما لحظة تنساك روحي وتعيفك
يا بدر الأطياب يزهي منهاجك مثل الهواء الهاب روحي تحتاجك
ما ساكن بجنة عدن ساكن قلوبنا
******************
وبروحي يحسين مجموعة ضدين واكشف أسراري
رغم اليضدوك بقلب اليعادون وجرت ناري
دلالي رضوان ورموشي أغصان جنة الباري
فردوسك العين بعيوني نهرين مو نهر جاري
روح المحب فوت يالعشت بيها وبساعة الموت أنت تحييها
حبك وروحك والبدن ساكن قلوبنا
*********
يامالك الروح وعن عيني متروح نجمة طيوفك
تملك كرامات بأفق السماوات خطوا حروفك
يا نجمة سهيل وبهدوة الليل دامر نشوفك
رحمة الايمان سيدي وخسران كلمن يعوفك
يالمولدك عيد فرحة الشيعة ونمد لك الايد نجدد البيعة
ياغالي وأغلى كل ثمن ساكن قلوبنا